hum un ki anjuman ka saman ban ke rah gae
sar-ta-qadam nigah o zaban ban ke rah gae
palTe muqaddaraat kuchh is taur se ki hum
taswir-e-inqilab-e-jahan ban ke rah gae
mazlum dil ki talKH-nawai to dekhna
naghme jo lab tak aae fughan ban ke rah gae
ab hum hain aur haqiqat-e-alam hai 'shakil'
lamhe KHushi ke KHwab-e-giran ban ke rah gae
Ghazal
Hum unki anjuman ka saman ban ke rah gae
Shakeel Badayuni