Humse puchha kya biti hai aaKHir-e-shab ke maron par

hum se puchha kya biti hai aaKHir-e-shab ke maron par
sahra sahra rang bikhere raqs kiya angaron par

ek saya sharmata lajata rah mein tanha chhoD gaya
main parchhain DhunD raha hun TuTi hui diwaron par

sar-gashta the mauj-e-hawa se bit gaya wo mausam to hum
barg-e-KHizan ki manind ab aawara hain kohsaron par

bhuli-bisri yaaden aa kar sargoshi karti hain
phir se koi git sunao dil ke shikasta taron par