hum hain aur shughl-e-ishq-bazi hai
kya haqiqi hai kya majazi hai
duKHtar-e-raz nikal ke mina se
karti kya kya zaban-daraazi hai
KHat ko kya dekhte ho aaine mein
husn ki ye ada-taraazi hai
hindu-e-chashm taq-e-abru mein
kya bana aan kar namazi hai
nazr den nafs-kush ko duniya-dar
wah kya teri be-niyazi hai
but-e-tannaz hum se ho na-saz
karsazon ki karsazi hai
sach kaha hai kisi ne ye ai 'zauq'
mal-e-muzi nasib-e-ghazi hai
Ghazal
Hum hain aur shughl-e-ishq-bazi hai
Sheikh Ibrahim Zauq