EN हिंदी
حیراں ہوں دل کا حال چھپاؤں کہاں کہاں | شیح شیری
hairan hun dil ka haal chhupaun kahan kahan

غزل

حیراں ہوں دل کا حال چھپاؤں کہاں کہاں

جتیندر موہن سنہا رہبر

;

حیراں ہوں دل کا حال چھپاؤں کہاں کہاں
سب جان گئے بات بناؤں کہاں کہاں

اک چیز زخم دل ہے دکھاؤں کہاں کہاں
اک بات سوز دل ہے سناؤں کہاں کہاں

دو چار ہوں مقام تو تیرتھ بھی کر بنے
ہر جا جو تو رہے تو میں جاؤں کہاں کہاں

ہر شے میں ہر بشر میں نظر آ رہا ہے تو
سجدے میں اپنے سر کو جھکاؤں کہاں کہاں

صحرا سہی نصیب میں پر کیا میری سعت
اک مشت خاک خاک اڑاؤں کہاں کہاں

محفل میں میکدے میں کہ بزم رقیب میں
بتلا کہ تجھ سے آنکھ چراؤں کہاں کہاں

اک دشت لاحساب میں کھویا گیا ہے دل
رہبرؔ اب اس کو ڈھونڈنے جاؤں کہاں کہاں