Hain kis liye udas koi puchhta nahin

hain kis liye udas koi puchhta nahin
rasta KHud apne ghar ka hamein sujhta nahin

naqsh-e-wafa kisi ka koi DhunDhta nahin
ahl-e-wafa ka phir bhi bharam TuTta nahin

ahl-e-hunar ki baat thi ahl-e-nazar ke sath
ab to koi bhi un ki taraf dekhta nahin

hum se hui KHata to bura mante ho kyun
hum bhi to aadmi hain koi dewta nahin

daman tumhaara hath se jata raha magar
ek rishta-e-KHayal hai ki TuTta nahin

suraj ke nur par bhi andheron ka raj hai
ai 'dard' dur tak mujhe kuchh sujhta nahin