haal us ka tere chehre pe likha lagta hai
wo jo chup-chap khaDa hai tera kya lagta hai
yun teri yaad mein din raat magan rahta hun
dil dhDakna tere qadmon ki sada lagta hai
yun to har chiz salamat hai meri duniya mein
ek talluq hai ki jo TuTa hua lagta hai
ai mere jazb-e-darun mujh mein kashish hai itni
jo KHata hota hai wo tir bhi aa lagta hai
jaane main kaun si pasti mein gira hun 'shahzad'
is qadar dur hai suraj ki diya lagta hai
Ghazal
Haal us ka tere chehre pe likha lagta hai
Shahzad Ahmad