hadson hi mein zindagi ji hai
hum ne qiston mein KHud-kushi ki hai
jhuk ke jina hamein nahin aata
aur aawaz bhi kuchh unchi hai
aap se kuchh gila nahin sahab
apni taqdir hi kuchh aisi hai
sher paDhna yahan sambhal ke miyan
aur basti nahin ye dilli hai
chehra us ka kitab jaisa hai
aur rangat gulab ki si hai
hum ne 'rahmat;' ghazal ke lahje mein
'mir'-sahib se guftugu ki hai
Ghazal
Hadson hi mein zindagi ji hai
Rahmat Amrohvi