guzishta ahl-e-safar ko jahan sukun mila
na jaane kyun hamein un manzilon pe KHun mila
KHarab waqt hai ab fasla hi behtar hai
kabhi milenge jo mahaul pur-sukun mila
kabhi zamane se manga tha paikar-e-shirin
tarashne ko hamein koh-e-be-sutun mila
wo 'ram' naKHl-e-wafa hai main barg-e-awara
use jumud mila hai mujhe junun mila
Ghazal
Guzishta ahl-e-safar ko jahan sukun mila
Ram Riyaz