girte hue badan ka nagar chhoD jaunga
ghabra ke dastakon se ye ghar chhoD jaunga
main ain zindagi hun Thaharna nahin mujhe
sab manzaron ko misl-e-nazar chhoD jaunga
KHud KHak ho ke gard-e-safar mein rahunga aur
un bastiyon mein zauq-e-safar chhoD jaunga
hoga na sogwar mere waste koi
jalta hua diya hun sahar chhoD jaunga
hasti meri adam hi sahi surat-e-'sahab'
main sipiyon mein aab-e-guhar chhoD jaunga
Ghazal
Girte hue badan ka nagar chhoD jaunga
Khursheed Rizvi