gardish-e-arz-o-samawat ne jine na diya
kaT gaya din to hamein raat ne jine na diya
kuchh mohabbat ko na tha chain se rakhna manzur
aur kuchh un ki inayat ne jine na diya
hadsa hai ki tere sar pe na ilzam aaya
waqia hai ki teri zat ne jine na diya
'kaif' ke bhulne wale ko KHabar ho ki use
sadma-e-tark-e-mulaqat ne jine na diya
Ghazal
Gardish-e-arz-o-samawat ne jine na diya
Kaif Bhopali