garche nezon pe sar hai
maut to waqt par hai
kaun patthar uThae
ye shajar be-samar hai
ghonsla zindagi ka
sans ki shaKH par hai
koi dushman nahin hai
mujh ko apna hi Dar hai
shak bhi kije to kis par
wo baDa mo'tabar hai
zad mein aandhi ke aksar
ek mera hi ghar hai
apni pahchan rakhna
bhiD har moD par hai
mere maula 'tapish' ko
ishq-e-KHair-ul-bashar hai
Ghazal
Garche nezon pe sar hai
Abdussamad ’Tapish’