اردو हिंदी
FaKHta shaKH se uDte hue ghabrai thi | Shaahi Shayari
faKHta shaKH se uDte hue ghabrai thi

Ghazal

FaKHta shaKH se uDte hue ghabrai thi

Ataul Hasan

;

faKHta shaKH se uDte hue ghabrai thi
jab parindon ke bilakne ki sada aai thi

aable meri zaban par hain to hairat kaisi
main ne ek bar teri jhuTi qasam khai thi

kab ye socha tha barabar se guzar jaega
meri jis shaKHs se barson ki shanasai thi

ab wo kahta hai ki zanjir bani mere liye
us ke pairon mein jo pael kabhi pahnai thi

waqt badle to har ek rishta badalta hai 'hasan'
dil mein diwar kahan pahle mere bhai thi