dil pe jo guzri koi kya jaane
ye to hum jaanen ya KHuda jaane
KHak jhelega wo musibat-e-ishq
jo laga kar na phir bujha jaane
tu hi apna maqam jaanta hai
ek zulum-o-juhul kya jaane
kya kare arz-e-muddaa wo bashar
ibtida ko jo intiha jaane
baada-noshon ka hashr kya hoga
mujh bala-nosh ki bala jaane
baat rindi ki mujh ko aati hai
parsai ki parsa jaane
tujh ko apni KHabar nahin ai 'josh'
to KHudai ke raaz kya jaane
Ghazal
Dil pe jo guzri koi kya jaane
Josh Malsiani