dil o nigah mein us ko agar nahin rahna
'shanas' mujh ko bhi phir dar-ba-dar nahin rahna
agar main aaunga sadiyon ki umr launga
ki tere pas mujhe muKHtasar nahin rahna
ye kaenat meri ungliyon pe nachti hai
mujhe sitaron ke zer-e-asar nahin rahna
main jaanta hun magar dil ko kaun samjhae
'shanas' us ko mera ham-safar nahin rahna
Ghazal
Dil o nigah mein usko agar nahin rahna
Faheem Shanas Kazmi