dil mein yaad-e-raftagan aabaad hai
warna ye dil bhi kahan aabaad hai
ek main aabaad hun is shahr mein
aur ek mera makan aabaad hai
kis ke ye naqsh-e-qadam hain KHak par
kaun aise mein yahan aabaad hai
bab-e-umr-e-raigan ki lauh par
harf-e-ehsas-e-ziyan aabaad hai
mere hone se na hona hai mera
aag jalne se dhuan aabaad hai
raunaq-e-dil ka hai aalam didani
KHana-e-awargan aabaad hai
ek daricha us gali mein aaj tak
be-charagh o be-nishan aabaad hai
Ghazal
Dil mein yaad-e-raftagan aabaad hai
Jamal Ehsani