dil ko baKHsha soz-o-gudaz
ai gham teri umr-e-daraaz
ishq-o-hawas mein rishta kaisa
ek haqiqat ek majaz
besh nahin hai dil ki qimat
ek nigah-e-lutf-nawaz
is ka chhupana khel nahin hai
raaz aur wo bhi un ka raaz
aae koi hum se puchhe
mar kar jine ke andaz
jazb-e-darun ka faiz hai 'mansha'
fikr-e-suKHan ki ye parwaz
Ghazal
Dil ko baKHsha soz-o-gudaz
Mohammad Mansha ur Rahman Khan Mansha