dil hum ne jo chashm-e-but-e-bebak se bandha
phir nasha-e-sahba se na tiryak se bandha
us zulf se jab rabt hua ji ko to hum ne
shane ka tasawwur dil-e-sad-chaak se bandha
dekha na qad-e-sarw ko phir hum ne chaman mein
jis din se dil us qamat-e-chaalak se bandha
jo aahu-e-dil bha gaya us sad-fagan ko
jhap us ne use kakul-e-pechaak se bandha
aur jo na pasand aaya use wo to 'nazir' aah
ne said kiya us ko na fitrak se bandha
Ghazal
Dil humne jo chashm-e-but-e-bebak se bandha
Nazeer Akbarabadi