dasht-e-gham aur har shajar tanha
raat soi hai be-KHabar tanha
le ke phirta hun dar-ba-dar tanha
teri yaadon ka ek nagar tanha
so na jaun KHirad ke bistar par
ai junun tujh ko chhoD kar tanha
dil ke daman mein chubh gai aaKHir
chalti-phirti hui nazar tanha
yaad phir chiKHne lagi us ki
mujh ko kamre mein jaan kar tanha
chand ka dard mang le koi
mujh ko rahna hai umr-bhar tanha
Ghazal
Dasht-e-gham aur har shajar tanha
Muneer Saifi