dasht-dar-dasht chamakta raha dariya kaisa
tujh ko dhoka hua ai dida-e-bina kaisa
jagmagate hue shahron ko bhala kya malum
chachahata hai daraKHton pe sawera kaisa
dosto chhanw ghani dekh ke Thahra na karo
bhagte abr ke TukDe ka bharosa kaisa
karbala gher ke baiThi hain yazidi faujen
bil-muqabil hai husain aaj akela kaisa
raat jab dastaken darwaze pe deti hai 'munir'
kanpne lagta hai dil KHauf se mera kaisa
Ghazal
Dasht-dar-dasht chamakta raha dariya kaisa
Muneer Saifi