daman-e-sad-chaak ko ek bar si leta hun main
tum agar kahte ho to kuchh rose ji leta hun main
be-sabab pina meri aadat mein shamil nahin
mast aankhon ka ishaara ho to pi leta hun main
gesuon ka ho ghana saya ki shiddat dhup ki
wo mujhe jis rang mein rakhta hai ji leta hun main
aate aate aa gae andaz jine ke mujhe
ab to 'rahbar' KHun ke aansu bhi pi leta hun main
Ghazal
Daman-e-sad-chaak ko ek bar si leta hun main
Rajendra Nath Rahbar