chor darwaza yan ke hum bhi hain
in ko rauzan se jhanke hum bhi hain
jo adam ko wajud se hain gae
gard us karwan ke hum bhi hain
fash parda karo na kushton ka
naza mein munh ko Dhanke hum bhi hain
ishq chhoTa bana chuka warna
ek baDe KHandan ke hum bhi hain
tirchhi nazron ko sidha rakhen aap
warna ek TeDhe banke hum bhi hain
hai zamin ka sataya qais agar
zaKHm-chin aasman ke hum bhi hain
naqsh baiTha uThega kis se 'waqar'
sang-bos aastan ke hum bhi hain
Ghazal
Chor darwaza yan ke hum bhi hain
Kishan Kumaar Waqaar