chaak-pairahani-e-gul ko saba jaanti hai
masti-e-shauq kahan band-e-qaba jaanti hai
hum to badnam-e-mohabbat the so ruswa Thahre
nasehon ko bhi magar KHalq-e-KHuda jaanti hai
kaun taqon pe raha kaun sar-e-rahguzar
shahr ke sare charaghon ko hawa jaanti hai
hawas inam samajhti hai karam ko tere
aur mohabbat hai ki ehsan ko saza jaanti hai
Ghazal
Chaak-pairahani-e-gul ko saba jaanti hai
Ahmad Faraz