be-zabani zaban hoti hai
ishq ki dastan hoti hai
dil ko aaya hai phir kisi ka KHayal
phir tamanna jawan hoti hai
kaun paega tab-e-nazzara
un ki abru kaman hoti hai
kya hua lab agar nahin hilte
aankh KHud ek zaban hoti hai
jis ko kahte hain zindagi sab log
hasraton ka jahan hoti hai
un ka jalwa hua hai pesh-e-nazar
justuju kaamran hoti hai
Ghazal
Be-zabani zaban hoti hai
Nazar Barni