barq ne jab bhi aankh kholi hai
aashiyanon ne KHak roli hai
yaad ka kya hai aa gai phir se
aankh ka kya hai phir se ro li hai
tum bichha lo musalla-e-chahat
main ne dahliz dil ki dho li hai
dil ki baaton ko dil samajhta hai
dil ki boli ajib boli hai
parda uThte hi meri nazron se
kaenat-e-yaqin Doli hai
muskurae na chand kyun 'mufti'
aai jo chandni ki Doli hai
Ghazal
Barq ne jab bhi aankh kholi hai
Ibn-e-Mufti