banaya hai shahkar yun tere gham ne
bahut dad pai sar-e-bazm hum ne
hamein kya mila aaj jannat mein aa kar
hamein kya diya tha guzishta janam ne
sitam ho agar saf kah den ye sab ko
hamein mar Dala kisi ke karam ne
kahen gar to badnam bhi KHud hi honge
diya hum ko dhoka hamare sanam ne
main samjha safar us ki jaanib hai mera
kiya dur us se mujhe har qadam ne
Ghazal
Banaya hai shahkar yun tere gham ne
Syed Sagheer Safi