bahut kuchh muntazir ek baat ka tha
ki lamha lakh imkanat ka tha
bacha li thi ziya andar ki us ne
wahi ek aashna ab raat ka tha
rafaqat kya kahan ke mushtarak KHwab
ki sara silsila shubhat ka tha
bagule us ke sar par chiKHte the
magar wo aadmi chup zat ka tha
hinai hath ka manzar tha 'bani'
ki tabinda waraq isbaat ka tha
Ghazal
Bahut kuchh muntazir ek baat ka tha
Rajinder Manchanda Bani