bar bar ek hi nazzara na dikhlaya kar
baat dilkash bhi agar ho to na dohraya kar
log gir jate hain miTTi ke gharondon ki tarah
is tarah barish-e-didar na barsaya kar
peD ka saya nahin TuTa hua patta hun
mujh ko jazbaat ke dariya mein na Thahraya kar
TuT jae na kisi roz tera shish-mahal
yun sar-e-rah na diwanon ko samjhaya kar
mere ehsas ko ek phul bahut hai 'KHawar'
mere ehsas pe yun sang na barsaya kar
Ghazal
Bar bar ek hi nazzara na dikhlaya kar
Khaqan Khavar