bab-e-qafas khulne ko khula hai
bahar bhi to dam bichha hai
us ke siwa sab bhul gaya hun
jab se wo mere dil mein basa hai
baDhne lagi hai dil ki dhaDkan
shayad us ne yaad kiya hai
qafile walo KHair manao
rahzan hi jab rah-numa hai
sahil sahil bhi kya chalna
maujon pe safina Dal diya hai
apni marzi apni raza kya
sab se baDh kar us ki raza hai
aaj ke insan ki mat puchho
jaise KHuda se bhi ye baDa hai
Ghazal
Bab-e-qafas khulne ko khula hai
Aasi Ramnagri