apna jamal mujh kun dikhaya rasul aaj
aajiz ki iltimas kun karna qubul aaj
ai mehrban tabib shitabi ilaj kar
tere birah ke dard sin hai dil mein sul aaj
marham tere visal ka lazim hai ai sanam
dil mein lagi hai hijr ki barchhi ki hul aaj
gul-ru baghair KHana-e-bulbul KHarab hai
murjha raha hai sehn-e-gulistan mein phul aaj
be-fikr hun azab-e-qayamat sin ai 'siraj'
din-e-mohammadi kun kya hun qubul aaj
Ghazal
Apna jamal mujh kun dikhaya rasul aaj
Siraj Aurangabadi