اردو हिंदी
Andheron se ulajhne ki koi tadbir karna hai | Shaahi Shayari
andheron se ulajhne ki koi tadbir karna hai

Ghazal

Andheron se ulajhne ki koi tadbir karna hai

Zulfiqar Naqvi

;

andheron se ulajhne ki koi tadbir karna hai
koi rauzan kisi diwar mein tasKHir karna hai

zara dekhun to dam kitna hai is baad-e-muKHalif mein
sar-e-dasht-e-bala ek ghar naya tamir karna hai

nikal aaya hai jo bedad rahon par dil-e-be-KHud
koi nawak-fagan aae use naKHchir karna hai

sar-e-dasht-e-junun jo be-KHudi ke phul khilte hain
unhen raushan dimaghon ke liye iksir karna hai

makan-e-la-makani ka safar mera nahin rukta
tumhaari yaad ko ab panw ki zanjir karna hai