allah re hausla mere qalb-e-do-nim ka
jis ne sabaq paDha hai alif lam mim ka
uTTha na bar jalwa-e-zat-e-qadim ka
itna tha zarf dawa-e-chashm-e-kalim ka
baKHshish KHuda ki hai to shafaat rasul ki
rakhta hun darmiyan karim o rahim ka
aasi ko apne daman-e-rahmat mein di jagah
allah re karam mere rabb-e-karim ka
aasi sahi zalil sahi pur-KHata sahi
banda to hai 'rashid' ghafurur-rahim ka
Ghazal
Allah re hausla mere qalb-e-do-nim ka
Rasheed Rampuri