aks the aawaz thi lekin koi chehra na tha
nachte gate qadam the aur koi pahra na tha
hadson ki mar se TuTe magar zinda rahe
zindagi jo zaKHm bhi tu ne diya gahra na tha
KHwab ki manind guzrin kaisi kaisi suraten
dil ke virane mein koi aks bhi Thahra na tha
aag ki barish hui manzar jhulas kar rah gae
sham ke sae mein koi gunjta lahra na tha
Ghazal
Aks the aawaz thi lekin koi chehra na tha
Khaleel Tanveer