ai mard-e-KHuda ho tu parastar butan ka
mazhab mein mere kufr hai inkar butan ka
lagti wo tajalli sharar-e-sang ke manind
musi tu agar dekhta didar butan ka
gardan mein mere tauq hai zunnar ke manind
hun ishq mein az-bas-ki gunahgar butan ka
donon ki Tuk ek sair kar insaf se ai shaiKH
kabe se tere garm hai bazar butan ka
dun sari KHudai ko ewaz un ke main 'taban'
koi mujh sa bata de tu KHaridar butan ka
Ghazal
Ai mard-e-KHuda ho tu parastar butan ka
Taban Abdul Hai