ai jaan shab-e-hijran teri saKHt baDi hai
har pal magar is nis ki barmha ki ghaDi hai
har baal mein hai mera dil-e-saf giraftar
kya KHub teri zulf mein motiyan ki laDi hai
nilam ki jhalak deti hai yaqut mein goya
so tere lab-e-lal pe missi ki dhaDi hai
the zikr daraazi ke teri hijr ki shab ke
kya pahunchi shitab aa ke teri umr baDi hai
suraj ka jalane kun jigar jiyun dil-e-'faez'
ai nar tu kyun dhup mein sar khol khaDi hai
Ghazal
Ai jaan shab-e-hijran teri saKHt baDi hai
Faez Dehlvi