agar tum ko mujh se mohabbat na hoti
ye sauda na hota ye wahshat na hoti
jo husn-e-nazar kar-farma na hota
jahan mein koi achchhi surat na hoti
buton se agar hoti KHali ye duniya
KHuda ki bhi koi haqiqat na hoti
teri yaad ke sath aate na aansu
agar mujh ko tujh se mohabbat na hoti
jo hota na main kushta-e-ishq 'qaisar'
ye surat na hoti ye haalat na hoti
Ghazal
Agar tumko mujhse mohabbat na hoti
Qaisar Usmani