adu se shikwa-e-qaid-o-qafas kya
tumhaare baad jine ki hawas kya
hum apni dastaras mein bhi nahin hain
zamane par hamari dastaras kya
kai din se ye dil kyun muztarib hai
nahin chalta ab is pe apna bas kya
hamare panw mein chhaale paDe hain
to phir is mein KHata-e-KHar-o-KHas kya
jahan KHali jagah hai baiTh jao
aqidat mein ye fikr-e-pesh-o-pas kya
KHafa rahne lage ho mujh se akasr
juda ho jaoge ab ke baras kya
Ghazal
Adu se shikwa-e-qaid-o-qafas kya
Saeed Aasim