ab chalo dekh len yahi kar ke
apne mazi pe shairi kar ke
le gai raaten phir ujalon ko
phir se baaten baDi baDi kar ke
raaten mujh mein sukun kitna hai
hum ne dekha ye bandagi kar ke
zindagi ek kitab thi phir bhi
log guzre ghalat sahi kar ke
lauTna hai mujhe wahin yaron
un ke hi nam zindagi kar ke
'faiz' sauda nahin kiya hum ne
in andheron se raushni kar ke
Ghazal
Ab chalo dekh len yahi kar ke
faiz jaunpuri