aankhen khulin ki wa dar-e-zindan ho gaya
main raushni ko dekh ke hairan ho gaya
tujh se mushabahat nahin rakhta koi yahan
ab tujh ko bhulna bhi to aasan ho gaya
us ne kaha ki phul se titli uDaiye
itni si baat par main pareshan ho gaya
main KHud se mil gaya tha teri bazyaft mein
kya mujh pe tere hijr ka ehsan ho gaya
mere tamam KHwab mere dil mein rah gae
meri to sari umr ka nuqsan ho gaya
Ghazal
Aankhen khulin ki wa dar-e-zindan ho gaya
Mohsin Changezi