Aaen wo lakh dekhne walon ke samne

aaen wo lakh dekhne walon ke samne
uThti hai aankh mahr-jamalon ke samne

mumkin nahin jawab teri chashm-e-mast ka
ye faisla hua hai ghazalon ke samne

tanha na ek hazrat-e-musa ko ghash hua
Thahra hai kaun barq-jamalon ke samne

ho jae husn ko na kisi ki nazar kahin
achchhe nahin hain dekhne walon ke samne

duniya mein nek-o-bad to koi chiz hi nahin
hona hai sab ko apne KHayalon ke samne