jo guzari na ja saki hum se
hum ne wo zindagi guzari hai

Jaun Eliya

---

---

zindagi ek fan hai lamhon ko
apne andaz se ganwane ka

Jaun Eliya

---

---

zindagi kis tarah basar hogi
dil nahin lag raha mohabbat mein

Jaun Eliya

---

---

zindagi kya hai ek kahani hai
ye kahani nahin sunani hai

Jaun Eliya

---

---

ye zindagi bhi ajab karobar hai ki mujhe
KHushi hai pane ki koi na ranj khone ka

Javed Akhtar

---

---

KHuda aabaad rakkhe zindagi ko
hamari KHamushi ko sah gai hai

Javed Nasir

---

---

guzar rahi thi zindagi guzar rahi hai zindagi
nasheb ke baghair bhi faraaz ke baghair bhi

Javed Saba

---

---