zindagi wadi o sahra ka safar hai kyun hai
itni viran meri rah-guzar hai kyun hai

Ibrahim Ashk

---

---

zindagi kam paDhe pardesi ka KHat hai 'ibrat'
ye kisi tarah paDha jae na samjha jae

Ibrat Machlishahri

---

---

zindagi zinda-dili ka hai nam
murda-dil KHak jiya karte hain

Imam Bakhsh Nasikh

---

---

jab nahin kuchh e'tibar-e-zindagi
is jahan ka shad kya nashad kya

Imdad Imam Asar

---

---

nashsha tha zindagi ka sharabon se tez-tar
hum gir paDe to maut uTha le gai hamein

Irfan Ahmad

---

---

ab meri koi zindagi hi nahin
ab bhi tum meri zindagi ho kya

Jaun Eliya

---

---

ganwai kis ki tamanna mein zindagi main ne
wo kaun hai jise dekha nahin kabhi main ne

Jaun Eliya

---

---