ek aur dariya ka samna tha 'munir' mujh ko
main ek dariya ke par utra to main ne dekha

Muneer Niyazi

---

---

ye jabr bhi dekha hai tariKH ki nazron ne
lamhon ne KHata ki thi sadiyon ne saza pai

Muzaffar Razmi

---

---

na KHanjar uThega na talwar un se
wo bazu mere aazmae hue hain

Nadir Lakhnavi

---

---

shikast o fath miyan ittifaq hai lekin
muqabla to dil-e-na-tawan ne KHub kiya

Navab Mohammad Yar Khan Ameer

---

---

qismat to dekh TuTi hai ja kar kahan kamand
kuchh dur apne hath se jab baam rah gaya

Qayem Chandpuri

---

---

aghban ne aag di jab aashiyane ko mere
jin pe takiya tha wahi patte hawa dene lage

Saqib Lakhnavi

---

---

ye bazm-e-mai hai yan kotah-dasti mein hai mahrumi
jo baDh kar KHud uTha le hath mein mina usi ka hai

Shad Azimabadi

---

---