wafa ka ahd tha dil ko sambhaalne ke liye
wo hans paDe mujhe mushkil mein Dalne ke liye

Ehsan Danish

---

---

jo talab pe ahd-e-wafa kiya to wo aabru-e-wafa gai
sar-e-am jab hue muddai to sawab-e-sidq-o-wafa gaya

Faiz Ahmad Faiz

---

---

yaqin mujhe bhi hai wo aaenge zarur magar
wafa karegi kahan tak ki zindagi hi to hai

Farooq Banspari

---

---

tu jafaon se jo badnam kiye jata hai
yaad aaegi tujhe meri wafa mere baad

Fazal Husain Sabir

---

---

wafa ke shahr mein ab log jhuT bolte hain
tu aa raha hai magar sach ko manta hai to aa

Ghulam Mohammad Qasir

---

---

dushmanon ki jafa ka KHauf nahin
doston ki wafa se Darte hain

I do nor fear injury from my enemies
what frightens me is my friend's fidelities

Hafeez Banarasi

---

---

wafa nazar nahin aati kahin zamane mein
wafa ka zikr kitabon mein dekh lete hain

Hafeez Banarasi

---

---