ulfat mein barabar hai wafa ho ki jafa ho
har baat mein lazzat hai agar dil mein maza ho

Ameer Minai

---

---

dosti bandagi wafa-o-KHulus
hum ye shama jalana bhul gae

Anjum Ludhianvi

---

---

kaisi haya kahan ki wafa pas-e-KHalq kya
han ye sahi ki aap ko aana yahan na tha

Anwar Dehlvi

---

---

jo saza dije hai baja mujh ko
tujh se karni na thi wafa mujh ko

whatever punishment you mete, will be surely meet,
i should not have loved you so, my freedom is forfeit

Asar Lakhnavi

---

---

ghalat-rawi ko teri main ghalat samajhta hun
ye bewafai bhi shamil meri wafa mein hai

Asim Wasti

---

---

tumhaare sath mere muKHtalif marasim hain
meri wafa pe kabhi inhisar mat karna

Asim Wasti

---

---

wafa ke nam par paira kiye kachche ghaDe le kar
Duboya zindagi ko dastan-dar-dastan hum ne

Aziz Bano Darab Wafa

---

---