fareb khane ko pesha bana liya hum ne
jab ek bar wafa ka fareb kha baiThe

Ahmad Nadeem Qasmi

---

---

uDhon ke sath log kahan tak wafa karen
buDhon ko bhi jo maut na aae to kya karen

Akbar Allahabadi

---

---

in wafadari ke wadon ko ilahi kya hua
wo wafaen karne wale bewafa kyun ho gae

Akhtar Shirani

---

---

kaam aa sakin na apni wafaen to kya karen
us bewafa ko bhul na jaen to kya karen

Akhtar Shirani

---

---

ye aur baat ki iqrar kar saken na kabhi
meri wafa ka magar un ko e'tibar to hai

Aleem Akhtar

---

---

wo ummid kya jis ki ho intiha
wo wada nahin jo wafa ho gaya

Altaf Hussain Hali

---

---

kaun uThaega tumhaari ye jafa mere baad
yaad aaegi bahut meri wafa mere baad

after I am gone, your torture who will bear
you'll miss my devotion, when I am not there

Ameer Minai

---

---