arson rahe hain aap hamari nigah mein
ye kya kaha ki hum tumhein pahchante nahin

Nooh Narvi

---

---

ab aaen ya na aaen idhar puchhte chalo
kya chahti hai un ki nazar puchhte chalo

Sahir Ludhianvi

---

---

tujhe danista mahfil mein jo dekha ho to mujrim hun
nazar aaKHir nazar hai be-irada uTh gai hogi

Seemab Akbarabadi

---

---

chhal-bal us ki nigah ka mat puchh
sehr hai ToTka hai Tona hai

Shaikh Zahuruddin Hatim

---

---

mujhe tawiz likh do KHun-e-ahu se ki ai syano
taghaful ToTka hai aur jadu hai nazar us ki

Shaikh Zahuruddin Hatim

---

---

shaguftagi-e-dil-e-karwan ko kya samjhe
wo ek nigah jo uljhi hui bahaar mein hai

Shakeel Badayuni

---

---

dhoka tha nigahon ka magar KHub tha dhoka
mujh ko teri nazron mein mohabbat nazar aai

Shaukat Thanvi

---

---