wo kafir-nigahen KHuda ki panah
jidhar phir gain faisla ho gaya

those faithless eyes, lord's mercy abide!
wherever they turn, they deem to decide

Azad Ansari

---

---

qayamat hai teri uThti jawani
ghazab Dhane lagin nichi nigahen

Bekhud Dehlvi

---

---

idhar udhar meri aankhen tujhe pukarti hain
meri nigah nahin hai zaban hai goya

Bismil Saeedi

---

---

wo nazar kaamyab ho ke rahi
dil ki basti KHarab ho ke rahi

Fani Badayuni

---

---

saqi ne nigahon se pila di hai ghazab ki
rindan-e-azal dekhiye kab hosh mein aaen

Figar Unnavi

---

---

aankhen na jine dengi teri be-wafa mujhe
kyun khiDkiyon se jhank rahi hai qaza mujhe

Imdad Ali Bahr

---

---

aankhen jo uThae to mohabbat ka guman ho
nazron ko jhukae to shikayat si lage hai

Jaan Nisar Akhtar

---

---