dekha hai kis nigah se tu ne sitam-zarif
mahsus ho raha hai main gharq-e-sharab hun

Abdul Hamid Adam

---

---

main umr bhar jawab nahin de saka 'adam'
wo ek nazar mein itne sawalat kar gae

Abdul Hamid Adam

---

---

saqi mujhe sharab ki tohmat nahin pasand
mujh ko teri nigah ka ilzam chahiye

the charge of being affected by wine, I do despise
I want to be accused of feasting from your eyes

Abdul Hamid Adam

---

---

saqi zara nigah mila kar to dekhna
kambaKHt hosh mein to nahin aa gaya hun main

Abdul Hamid Adam

---

---

e-KHud bhi hain hoshiyar bhi hain dekhne wale
in mast nigahon ki ada aur hi kuchh hai

Abul Kalam Azad

---

---

hai tere liye sara jahan husn se KHali
KHud husn agar teri nigahon mein nahin hai

Afsar Merathi

---

---

ye kin nazron se tu ne aaj dekha
ki tera dekhna dekha na jae

Ahmad Faraz

---

---