jis taraf uTh gai hain aahen hain
chashm-e-bad-dur kya nigahen hain

Akbar Allahabadi

---

---

mohabbat ka tum se asar kya kahun
nazar mil gai dil dhaDakne laga

Akbar Allahabadi

---

---

log nazron ko bhi paDh lete hain
apni aankhon ko jhukae rakhna

Akhtar Hoshiyarpuri

---

---

na mizaj-e-naz-e-jalwa kabhi pa sakin nigahen
ki ulajh ke rah gai hain teri zulf-e-KHam-ba-KHam mein

Akhtar Orenvi

---

---

un ras bhari aankhon mein haya khel rahi hai
do zahr ke pyalon mein qaza khel rahi hai

Akhtar Shirani

---

---

faqat nigah se hota hai faisla dil ka
na ho nigah mein shoKHi to dilbari kya hai

Allama Iqbal

---

---

sidhi nigah mein teri hain tir ke KHwas
tirchhi zara hui to hain shamshir ke KHwas

Ameer Minai

---

---