main akela hi chala tha jaanib-e-manzil magar
log sath aate gae aur karwan banta gaya

Majrooh Sultanpuri

---

---

sutun-e-dar pe rakhte chalo saron ke charagh
jahan talak ye sitam ki siyah raat chale

Majrooh Sultanpuri

---

---

hayat le ke chalo kaenat le ke chalo
chalo to sare zamane ko sath le ke chalo

Makhdoom Mohiuddin

---

---

yaqin ho to koi rasta nikalta hai
hawa ki oT bhi le kar charagh jalta hai

Manzoor Hashmi

---

---

are duniya mein raho gham-zada ya shad raho
aisa kuchh kar ke chalo yan ki bahut yaad raho

Mir Taqi Mir

---

---

shah-zor apne zor mein girta hai misl-e-barq
wo tifl kya girega jo ghuTnon ke bal chale

Mirza Azeem Beg

---

---

ai mauj-e-bala un ko bhi zara do chaar thapeDe halke se
kuchh log abhi tak sahil se tufan ka nazara karte hain

Moin Ahsan Jazbi

---

---